Excelente! Pois xa está todo dito e é todo verdade verdadeira. Daquela; por que pensades que a escolhín para o meu perfil? Probabelmente fora o bicho co que mais xoguei e mais me impresionou na minha nenez. A froita que mais me gusta son as cereixas e pouco a pouco descubrín que ás vacalouras tamén. Resultaba verdadeiramente curioso pórlhe umha cereixa entre os cornos e observar con que xeito e rapidez a papaban. Outra cousa que me gustaba facer cos escornabois machos era fabricar un xugo de madeira pequerrechinho coa navalla; agasalho do meu avó; xuntar umha parelha de vacalouras e pórlhe o devandito xusto detrás da cabeza. O que viría sendo o pescozo dos bois do país que tiraban do carro. Era todo un espectáculo olhar coma estes escornabois entrelazaban os cornos e empurraban con moitísima forza. A umha vacaloura adulta macho se lhe metes un dedo entre os cornos poden chegar a pinchar a pel e facerche sangue. Para rematar, non vou a negar que parte de decidirme por levar no meu perfil a estes escaravelhos xigantes é “The Beatles” = “Os Escaravellos”. O alcrique elétrico para nada me enfado. Todo o contrario; moitas grazas polo xeito tan didáctico con que está explicado o meu insecto preferido.