Déixovos umhas imaxes.

Coñezo a situación perfectamente porque a miña parella actual é catalana. Facer un acto de 110.000 persoas segundo a policía francesa (non a española) xa di moito. Son unha sociedade moi ben estruturada no cívico e no cultural, máis ca Euskadi. Vivín en Euskadi e podo dicir que tamén houbo grandes concentracións, pero o movemento euskaldún está ledo co cupo. Catalunya decatouse da xogada de Madrid antes que ninguén. Non pode unha autonomía inventada coller o 70% de investimentos deixando baleira máis de media península (estratexia claramente política para desenraizar a todos os demais e seren máis manexables nunha metrópole que é un auténtico parasito). Que si, que os medios españois poñen a Puchi ata aforcalo, pero gañou as europeas por enriba de ERC e a xente catalá decátase que ERC vai moito co PSOE e iso non lles vai axudar. Tamén que a Puchi lle apoia o Wlaams Block de Bélxica, de carácter etnicista, pero tamén o mundo abertzale estivo con eles. A min non me vale que o proceso catalán se diga que é produto da burguesía catalana e da dereita postconverxente. Iso é mentira.

Sobre o soberanismo galego só acadou esas cifras coa mobilización de Nunca Máis, fóra diso, a estrutura é de desastre total. Non hai alternativas, non hai galegoescolas (só semente), non se apoia nada, e non quero falar xa do didactismo, non se fai. O proxecto do BNG é caduco, nunca vai superar o 18%, Beiras está chocho xa (e para min aínda é unha mente lúcida), pero o BNG só lle interesa ser "muleta" do PSOE, non aspira a máis, copia as propias políticas do PSOE, non capta en absoluto coas masas populares galegas no rural, espántaas. Ten un discurso moitas veces estalinista (aí está a UPG como luz verdadeira...). Onde se viu que algún Día da Pátria Galega había máis bandeiras comunistas ca galegas. A que estamos? A defender o chiringuito? Todos os dirixentes actuais son incultos, seitarios e arribistas (sen outra profesión). Que fixo Olalla Rodil na súa vida laboral? Que fixo Noa Presas? Que fixo Ana Pontón? Etc. etc. Falan en clave estatal moitas veces e da militancia vexo moito rancor, mesmo nos fíos actuais as barbaridades que vin sobre Alexandra e non militantes calquera (concelleiros de vilas...). Xa o de Andecha Astur cheira e tería para un libro enteiro ou dous tomazos. Tiven a esperanza no meu amigo Villares pero quedou ata os collóns (ou ata os ovarios para vosoutras). Bascuas pasoulle o mesmo en Compromiso e agora puxeron a un de Cervo que é un desastre. Non somos diferentes a cataláns ou euskaldúns, pero seica o sistema si lle interesa ter un rexionalismo domesticado tipo BNG que ter un PNV, unha ERC, un Junts, e mesmo os dirixentes do BNG fanlles "a ola" como cando foi Ana Pontón a La Voz de Galicia ou diante do cadro de Castelao O mestre asasinado e calados... E non sigo porque me acendo. Agora collerán o desencanto, e mañá?

E podo asegurar que Ana Pontón non é do peor, aínda que cando estivo en Galiza Nova me negase a min, A MIN, a existencia do galego en Asturias. Toma Zasca!!! Porque de Olalla Rodil xa nin me molesto, no Facebook bloqueoume por disentir dela no seu malentendido feminismo, esta que nunca leu a Simon de Beauvoir nin a Paglia nin a tantas outras. Feminismo burgués de salón que cae na maior estupidez. Aínda así haberá ESPERANZA? Eu penso que si, pero en décadas, se cadra nós xa non o vexamos.