Érase unha vez un comerciante de armas cuxa empresa fabricaba bombas de acio que vendía, entre outros, ao goberno do seu país. E resultou que o seu país asinou un convenio internacional contra esas bombas, que deixou de comprar. Entón o comerciante denunciou ao goberno por deixar de comprar esas armas (habería un contrato coa empresa fabricante) E resultou que houbo un troco de goberno, e o novo presidente tivo a ocorrencia de nomear como ministro de Defensa ao devandito comerciante de armas:
Alguén o pode melhorar? Agora o comerciante, transmutado en ministro, pagará á súa antiga empresa a indemnización correspondente, un belisquinho de 40 millóns de euros. PREGUNTA: de que país e de que época son estes feitos? do quinto mundo? dun pasado escuro? A resposta a continuación. O Ministro de Defensa de Espanha pagará 40 milhóns á súa antiga empresa por prohibir as bombas de acio. Pedro Morenés, ministro de Defensa, foi conselheiro da empresa de fabricación de armamento Instalaza entre 2005 e 2007. Despois ocupou o posto de representante até o 4 de outubro de 2011, segundo recolhe o Boletín Oficial do Rexistro Mercantil. (Instalaza fabricaba bombas de acio). O 31 de outubro de 2011, o diario Cinco Días revelou que Instalaza decidira recorrer aos tribunais para pedir que o Goberno lhe indemnizase con 40 milhóns de euros en concepto de desagravio pola prohibición do uso, almacenamento e fabricación das bombas de acio en Espanha como consecuencia da sinatura do Tratado de Dublín. Nembargante, esta empresa xa anunciara en maio de 2011, cando Morenés era o seu representante, que pediría unha compensación económica ao Executivo en concepto de "dano emerxente lucro cesante". Hoxe sabemos que Instalaza venderá a débeda a unha terceira empresa que á súa vez a revenderá e finalmente o Ministro pagará dicindo que non é a súa empresa a que cobra. O dinheiro sairá dos impostos de todos nós, naturalmente. O noso dinheiro pagando bombas que mutilan a nenos. Porque as submunicións esparexidas polas bombas fabricadas por Morenés tenhen un rango de falho de entre o 5% e 30%, polo que poden quedar bombas enterradas sen explotar sendo perigosas tempo despois de rematada a guerra. Especialmente para os nenos polas súas formas rechamantes, como pelotinhas de tenis ou latas de refrescos. Porque é así como se camufla a empresa do Ministro. De verdade non había en todo o país outra persoa que puidese ser Ministro de Defensa?