O lobby eólico impón a súa lei no TSXG: os motivos detrás do traslado forzoso do xuíz Luís Villares
A sección terceira da Sala do Contencioso-Administrativo do Tribunal Superior de Xustiza da Galiza (TSXG) leva anos no foco dos poderes económicos, políticos e mediáticos. Os mesmos teñen denunciado de forma reiterada determinadas sentenzas e autos adoptados nesa xurisdición e, moi particularmente, aqueles que paralizaban diversos proxectos eólicos que non se axustaban a dereito. Unha resolución da nova presidenta da Sala, Azucena Recio, asume parte deses argumentos e aparta da sección dous maxistrados, entre eles Luís Villares.
